高峰期逾9000人收看 曾俊華fb直播記招吸like多
[2017.01.20] 發表
【明報專訊】前財政司長曾俊華噚日宣布參選特首，並開設facebook競選專頁，直播記者會。絕大部分市民雖然無份投票，但網上民意都係其中一個支持度指標，曾俊華噚日下晝3點半起直播個多小時，計埋直播後時段，直至黃昏7點已經吸到近2.2萬個「讚好」或「心心」，「嬲嬲」就有百多個，網上民情都幾一面倒。
噚日fb直播高峰時有超過9000人收睇，Emily就發現當中有唔少現職公務員同政界人士。曾俊華喺答問環節，話自己成日會睇fb留言，多謝網上支持佢嘅人同街上見到佢嘅市民。當佢提到呢一句，有網民即刻留言「講緊我哋呀！」，似乎曾俊華「賣口乖」相當成功。
百人畀「嬲嬲」 包括岑敖暉
不過，曾俊華喺記者會提到如果政治環境無轉變，重推政改係「撼頭埋牆」。Emily留意到佔領運動靈魂人物、學聯前副秘書長岑敖暉喺直播畀「嬲嬲」，唔知係咪不滿對方嘅政改立場呢？另外，曾俊華噚日發表競選宣言，就拎住印有佢卡通嘜頭嘅電話殼，電話殼係佢早前訪問手機殼公司時嘅禮物，當時佢已經話好鍾意，笑言確認咗佢「薯片代言人」嘅身分。
更多港聞
6000元究竟未攞定未捐？ CY﹕朋友提醒我捐咗
【明報專訊】特首梁振英（CY）前日喺《施政報告》記者會重提2011年政府派錢，話自己嗰6000元「仲喺庫房」，但就被翻查到佢當年講過會捐咗筆... 詳情
【明報專訊】前日公布嘅《施政報告》提出拆咗灣仔運動場變會展，有立法會議員質疑，由做開會展嘅貿易發展局負責可行性研究有利益衝突。噚日民政事務局...
詳情
相關新聞
