中聯辦足球隊同青年民記過招
[2017.08.19] 發表
【明報專訊】港人一直對中聯辦認知唔太多，除咗領導層之外，下面究竟有幾多人、具體架構等等，一般人所知甚少。不過中聯辦作為中央駐港聯絡機構，聯絡當然係重要工作啦，今個星期三晚中聯辦嘅足球隊，就同青年民建聯踢咗場友誼波交流喇。
青年民建聯主席顏汶羽同Emily講，據佢所知中聯辦一直有自己練波，除咗足球隊，亦有乒乓球、籃球隊等，球員由內部唔同部門嘅職員組成，好似足球隊隊長就係屬於中聯辦法律部嘅。至於呢場波，分咗3節踢，首節1:1打成平手，第二節民建聯贏2:0，第三節中聯辦贏3:0。
顏汶羽無踢開波，呢場波正選上陣，佢喺facebook笑言自己出名跑得慢、唔夠快、無速度，踢咗15分鐘，除咗扔過界外球，基本上無掂到波，15分鐘就換走咗佢喇。
更多港聞
【明報專訊】每年國慶都有唔少團體成立，舉行不同活動慶祝，噚日工商界就成立慶祝國慶68周年籌備委員會，推舉中華總商會主席蔡冠深擔任委員會執行主...
詳情
相關新聞
