周日國際復康日 殘疾者免費搭巴士港鐵
[2017.11.09] 發表
【明報專訊】禮拜日(12號)係「國際復康日」，Emily想借個機會提吓一眾合資格嘅殘疾人士，當日可以同一名同行照顧者唔使錢坐港鐵、新巴、城巴、九巴、龍運巴士同大嶼山巴士。
想搭巴士嘅合資格殘疾人士，只需要出示「殘疾人士登記證」，或者用註有「殘疾人士身分」個人八達通拍卡，即可免費搭車；同行者就唔使拍卡。Emily提吓大家，呢個優惠唔包括城巴出租、僱員巴士、旅遊觀光巴士服務，以及大嶼山巴士1R線。至於搭港鐵，同樣可用註有「殘疾人士身分」個人八達通，免費進出港鐵站、輕鐵站，以及登上港鐵巴士，但東鐵線頭等除外；佢哋亦可以去到客務中心出示登記證或八達通，為自己同一名同行照顧者，免費拎一張當日有效嘅單程車票。
更多港聞
【明報專訊】特首林鄭月娥於競選政綱中提出，在完成全面檢視前會擱置小三TSA（全港性系統評估）；教育局長楊潤雄早前表示，檢討小三TSA委員會約...
詳情
相關新聞
