低調林太 愛低調桂花
[2018.03.17] 發表
【明報專訊】花卉展噚日喺維園開幕，特首林鄭月娥當年任民政事務局常秘時，曾為開幕儀式主禮，其後均由特首夫人負責。林太話丈夫非常低調，差不多拒絕所有由「特首夫人」做嘅活動、擔任嘅贊助人，林太今次主動提出代夫出席，時隔11年，佢笑言自己「成功爭取」再任花展主禮嘉賓。
林太話自己鍾意花，不過因性格低調，所以鍾意嘅花都唔係燦爛奪目，例如桂花，佢話桂花嘅清香往往陪伴住佢渡過艱難嘅日子。林太亦鍾意「鉸剪蘭」，話呢種花嘅香味係佢呢幾十年最開心能夠聞到嘅味道。
花展展期至3月25日，由每日早上9點到夜晚9點開放。
更多港聞
相關新聞
