民主思路一行32人 湯家驊訪京﹕唔會主動講補選
[2018.03.20] 發表
【明報專訊】前年舉辦過訪京團嘅民主思路，今年再度訪京，聽日起一連五日到訪不同中央部委同大學院校，其中星期四(22日)會見基本法委員會，星期六(24日)就見港澳辦，討論香港一國兩制情况、司法獨立、政改同《基本法》23條等議題，但暫時未知接見官員規格。訪京團一行32人，包括12名民主思路成員，以及20名修讀民主思路政治課程嘅學員。
會提出「梅花間竹式」
斬件落實23條及政改
召集人湯家驊(Ronny)話，訪京期間唔會主動提及立法會補選等香港內部事務，因為唔希望畀外界錯覺香港事務要取得北京意見。訪京團亦會到訪發改委討論大灣區發展，並分別去清華大學同北京大學，同學者交流經濟同憲制議題。早前有傳澳門中聯辦副主任陳斯喜會接替李飛，出任基本法委員會主任，Ronny話據佢了解，陳斯喜仍身在澳門，因此唔會同對方見面。
Ronny話，佢會向北京官員提出「梅花間竹式」分階段斬件落實23條立法同政改，即係先為部分較無爭議嘅23條條文立法，再落實部分政改，例如增加立法會直選議席，其後繼續喺兩個議題上循序漸進。
更多港聞
【明報專訊】培正中學昨日在網頁公布，校長譚日旭因將近退休年齡，計劃於8月底卸任，經數月遴選程序，委任校友兼現任副校長何力高接任校長。
...
詳情
相關新聞
