黃國健唔識玩fb 見到就暈
[2018.06.12] 發表
【明報專訊】民主黨前主席劉慧卿噚日喺網台節目《議會內外》訪問工聯會立法會議員黃國健(KK)，節目開始前，KK大讚卿姐玩facebook玩得好，透露自己選舉時，助手曾經幫佢開fb戶口，但選舉後自己已經入唔番，「我有啲白癡對呢啲(fb)……見到就頭暈」。
卿姐向KK反映一啲市民意見，話覺得佢近年成日喺議會同泛民開拖，搞到大家關係唔好，「有時見到你幾兇狠，係咪食錯藥？」KK回應話自己同泛民關係唔差，可能辯論時言語間有火花，「會檢討吓自己係咪尖酸刻薄咗」。
成日同泛民開拖？
「會檢討係咪刻薄咗」
KK話𠵱家嘅議會文化有改變，昔日老一輩嘅議員有原則，大家處事有默契；年輕議員近年都係透過激進手法上位，唔需要守規矩。KK指可能有時其他議員講嘢尖酸刻薄，自己用同一態度還擊。KK慨嘆，建制同泛民支持者情緒都比昔日高漲，議員為向支持者交代，都要喺鏡頭前激進啲，如果表現太斯文「會被支持者鬧鵪鶉」。卿姐反駁，議員應向支持者解釋，大家議事嘅態度唔可以太激。
更多港聞
【明報專訊】中區警署建築群活化計劃「大館」5月底開放畀公眾後，唔少人都去參觀，但要先上網預約。大館噚日公布，由於反應熱烈，大館將會有新安排，...
詳情
【明報專訊】學生自殺新聞近年不絕於耳，不少學生亦因自我肯定程度低，情緒受困擾。香港中文大學社會科學院與慈善團體合作，在中小學推廣正向教育並研...
詳情
相關新聞
