【明報專訊】周街放生曱甴你見過未？民建聯荃灣區議員林琳噚日喺facebook上載咗條片，片中一對講普通話嘅男女正喺坑渠放生曱甴，而地點就喺荃灣環宇海灣。 片入面嗰對男女帶咗幾個捕蟑器去放生，拍片嘅男人問佢哋點解要周街放生曱甴，又批評佢哋無公德心。放生曱甴嘅男人解釋：「房間太多(曱甴)」，又話「怎樣殺？殺不了。」 林琳話段片係環宇海灣嘅街坊傳畀佢，佢已經通知咗食環署，同喺荃灣選區選民WhatsApp群組上傳有關資料，叫街坊幫手搜尋嗰對男女，啲街坊都覺得好嬲。食環署就覆佢話會喺事發地點滅蟲，同埋派人喺嗰個地方監視呢對男女會唔會再放生曱甴。
|
| |
| |
;){kind=small}
