【明報專訊】想去工作假期嘅人又多一個選擇喇！由今年9月1日開始，「香港/匈牙利雙邊工作假期計劃」接受申請，名額約200個，申請人最多可逗留12個月，可以做嘢掙旅費，或者報讀短期課程，不過同大部分工作假期一樣，係唔可以受聘於一個僱主多過半年。另外要注意，存款證明要有2500歐元，即約2.4萬港元。 由2001年開始，香港已經先後同新西蘭、澳洲、愛爾蘭、德國、日本、加拿大、韓國、法國、英國、奥地利、匈牙利、瑞典同荷蘭簽訂工作假期計劃，至今已有約8.8萬人參加計劃。政府提提大家，出發前記得做好資料搜集，仲有一定要了解當地就業情?、住宿同生活問題，了解當地相關法規都好重要！
|
| |
| |
