紅魔泊大巴更實際
上輪反勝靠走動 作客車路士難言勝
上一期講摩連奴與曼聯，幾乎好#唔靈醜#靈，以為已沒有機會今天看到摩佬(再次)重返史丹福橋倒戈。阿歷斯山齊士的絕殺，造就紅魔反勝紐卡素，戰果固然屬明日黃花；若說有何啟示，多多少少總唔會冇，只是柏高卻不相信足以讓曼聯作客打破車路士的不敗身。
車路士vs.曼聯
首個啟示，或許應該說是老鬼懷舊本能，乃想起1990年1月足總盃，費格遜在盛傳輸波即炒的氛圍中(事後被球會高層否認)，爆冷作客淘汰諾定咸森林。「打救費Sir」的入球英雄羅賓斯Mark Robins在廿幾年來，當然久唔久就會被摷出#講，但對於柏高而言，隨#年齡增長而愈重視戰術，反而想指出，全靠左閘李馬田Lee Martin在中線對前近20碼的反搶，才有接#曉士的腳趾尾拉西漂亮助攻，以及羅賓斯帶點幸運成分的致勝頭槌。
曼聯難複製紅軍瘋搶戰術
由此返回現世，亦返回上期所言，摩佬被動式防守的根本限制。主動壓迫的基礎，離不開一個字：跑。未計算上一輪英超，紅魔今屆平均每仗走動距離為106.37公里排19，僅勝前屆排包尾的105.88公里，卻比上屆大減1.51公里(其實都係排19)。若覺得魔兵屬於儲埋一段#爆的類型，也不盡然。以跑動時速逾25公里的衝刺次數，紅魔各仗大致處於90至110次的範圍，惟敗走白禮頓之役跌至74次，不敵韋斯咸一戰更得58次，猶如愈唔跑愈輸、愈輸愈唔跑的無限loop。要比較的話，正好對手為車路士，利物浦在逼和藍軍那仗，衝刺便達到150次。
「反摩派」普巴上仗走動最多
曼聯今日能否複製紅軍的瘋跑瘋搶？大抵無甚可能，惟起碼可以挑戰一下自身本季新高，而這就得視乎摩佬的部署及麾下的心態。關於摩佬眾叛親離的傳聞，柏高實在聽到厭，不打算再做文章；事實上，若然保羅普巴、Martial(棄用馬會譯名)等被列為反摩派的魔兵，真的有心想摩佬死，上仗何必出盡奶力絕地反擊？就以普巴為例，氣走紐卡素之戰，走動距離11.47公里為全隊第2，衝刺14次更屬陣中之冠。
普巴這兩項數據的#升，除了他自己肯跑，亦正正涉及戰術。變化主要源自下半場摩佬讓兩閘也推到對手三閘線附近施壓，反搶效果大大提升之餘，盧卡古等鋒將亦有足夠呼應，不再單打獨鬥孤掌難鳴；當喜鵲受壓而無力向前迫搶，普巴的活動空間相應增加，先是墮後長傳派牌(偶爾形成他是三中堅之一的錯覺)，隨即上前加入攻擊(助攻給Martial扳平為最佳例子)。
問題為，以喜鵲的質素，紅魔才僅僅食住對方，可是換上車路士、換上大勇的夏薩特，摩佬同一板斧，能守住首15分鐘避免極速落後都當你贏。此處柏高也得日行一善，為摩佬講句好話。上期提過他今季其實是想變的，所以買個費特洛迪古斯提升中場energy，再表明想買習慣用波及高位防線的Harry Maguire，無奈老闆閂水喉，全部變成唔湯唔水，落得如今攻不銳、守不穩的窘境。以此條件，摩佬唯一啟示，恐怕都係在史丹福橋泊大巴，博執番1分保面子、保士氣。
