經民聯北京晚宴 林鄭張曉明出席
[2019.03.07] 發表
【明報專訊】每年兩會期間，民建聯同經民聯都會舉辦晚宴，同喺北京嘅人大代表、政協委員聯誼一番。近年兩會會風愈來愈嚴格，人代被要求早午晚三餐都要留喺酒店內進食，同時必須住喺北京飯店，而兩大政黨同馬會宴請港區人代政協，則喺兩會大會官方批准嘅3場聚會，所以港區人代、政協都非常捧場，好似長和系主席李澤鉅、東亞銀行執行董事兼副行政總裁李民斌等亦有到場。
人代被要求三餐酒店進食
一眾官員亦好捧場，好似特首林鄭月娥留喺北京多日，今日一早會返香港，據聞特首留咁耐，原因之一就係要出席民建聯同經民聯嘅晚宴，非常畀面。全國政協副主席梁振英、港澳辦主任張曉明、中聯辦主任王志民，以至曾經喺中聯辦工作多年嘅中聯辦前副主任林武，噚日都現身經民聯晚宴。
更多港聞
【明報專訊】香港地百物騰貴，樓價又高企，年輕人要生活唔容易，「上樓」就難上加難，Emily本身就覺得去少幾次日本都儲唔夠錢。近年社會成日提起...
詳情
【明報專訊】香港年輕人有機會到甘肅敦煌石窟實習，由民政事務局同青年廣場主辦嘅「香港青年敦煌實習計劃」，由即日起招募香港大專院校學生，喺今年6...
詳情
【明報專訊】香港城市大學每年提供400多個政府資助副學位學額，來自建築學、屋宇裝備工程學等4個課程。質素保證局昨公布城大副學位部門質素核證報...
詳情
相關新聞
