【Emily】退役九巴捐4校 改裝作活動教學
[2019.08.02] 發表
【明報專訊】現時巴士普遍行駛17年後就要退役，九巴2016年起舉辦「舊巴士及退役巴士捐贈計劃」，捐贈退役嘅單層或雙層巴士畀非牟利機構循環再用。九巴上個月就捐出4架退役巴士，分別畀4間中、小學，全部用作不同教學活動用途。
其中一架捐畀東華三院馬錦燦紀念小學嘅退役巴士，校方重新改裝為「創遊。夢想空間」，運用圖書、網上資源等媒體，令學生認識世界唔同時代嘅兒童遊戲。捐畀港澳信義會明道小學嘅退役巴士，上層被改裝成「STEM之太陽能研究中心」，校方喺車廂頂部加裝8塊太陽能板，為巴士提供再生能源，下層就變做「好快樂閱讀廊」，提升學生閱讀樂趣。
金錢村何東學校亦係受惠學校，校方計劃將退役巴士上層變成高年級學生嘅活動空間，透過唔同實驗工具令學生可動手做實驗，下層就設玩具圖書館。至於明愛馬鞍山中學，校方透過VR同AR技術，配合生命教育課程，讓學生建構正向人生價值觀。
更多港聞
【Emily】美食博覽15日開鑼 5000套餐具供借用
【明報專訊】一年一度嘅美食博覽喺今個月15號起，一連5日喺會展舉行。年年美食博覽都被批評製造太多即棄餐具垃圾，今年佢哋又會點應付？ 貿... 詳情
【明報專訊】旅遊發展局將於10月13日舉辦新一屆「新鴻基地產香港單車節」，今屆30公里同50公里組都各增加咗200個名額，又新增「繽紛型格單...
詳情
相關新聞
