【Emily】記招要take 2 警二哥黑面 收音故障 大sir拉隊返後台等
[2019.10.03] 發表
【明報專訊】十一國慶日全港多區大規模出現示威衝突，噚日警方記者會成為眾人焦點，警務處副處長(行動)鄧炳強再度現身記者會解畫。可是，記者會一開始就發生尷尬蝦碌場面，當警方想播放新聞片段時，有傳媒攝影師發現收唔到音，要求警方暫停並解決收音故障問題，但擾攘咗5分鐘都未搞得掂，已經就座嘅鄧sir睇嚟非常唔耐煩，甚至黑面。
結果，負責主持嘅警察公共關係科警司高振邦決定暫停記者會10分鐘，本來已出場嘅一眾大sir就拉隊返入後台等候，之後再次出嚟「Take 2」。自反修例示威警方8月初開始舉行例行記者會以來，Emily去過咁多日都無見過呢種場面，今次鄧sir出動解畫先發生咁嘅場面，真係少見。
更多港聞
【明報專訊】《施政報告》要喺立法會每一會期嘅首次會議上發表，新會期開始日就由特首決定，刊憲公布；首次會議日期就由立法會主席決定。立法會大樓喺...
詳情
荃灣中五生中槍 同區學子受困擾 校長：學生心灰礙學習毁前途
【明報專訊】反修例風暴發展牽動學生情緒，前日荃灣公立何傳耀紀念中學中五男生被警員以實彈射中左胸，各區學生昨日隨即發起舉標語、叫口號等聲援行動... 詳情
【明報專訊】浸會大學校長錢大康昨日向學生、校友和職員發電郵，稱鑑於現時示威活動形勢持續惡化，校方將採取3項額外應對措施。浸大將調整學生支援工...
詳情
【明報專訊】網上流傳將軍澳一間幼稚園有老師在課堂上要求學生扮演警察及暴徒，教導學生使用「雷射筆」，並毆打警察子女。青衣商會將軍澳幼稚園於網上...
詳情
相關新聞
