【Emily】警察話「一視同仁」 唔入立會拉阿廷
[2019.11.11] 發表
【明報專訊】民主黨立法會議員林卓廷被指喺5月立法會審議《逃犯條例》修訂草案時，違反《立法會(權力及特權)條例》第19(a)，早前畀警方預約拘捕。阿廷近日都係喺立法會過夜，話要堅持喺「案發位置」等警方入立法會拘捕佢。警方以「地點敏感」為由，無入立會拉人，但就打電話畀阿廷，叫佢今日下晝去東區裁判法院應訊。阿廷話自己尊重法庭，所以會去法院應訊，但話警方做法係「由預約拘捕變成預約檢控」。
話有權入立會拘捕但唔咁做
要求阿廷今日出庭應訊
阿廷噚日下晝兩度喺facebook直播交代最新情况，佢先交代有個港島區公眾活動調查隊第二隊嘅警長打畀佢，話警方其實有權入立法會拘捕佢，但由於「地點敏感」，所以唔會咁做。阿廷之後再直播同一Madam嘅對話，Madam話想「一視同仁」，話其他泛民議員都係喺屋企樓下被捕或者預約拘捕，因此唔會入立法會拉阿廷。
阿廷早排為呢件事搞有獎問答遊戲，叫網民估吓警察會唔會拉佢，或者幾時會去拉佢。唔少網民都覺得警察唔會入立法會拉佢。阿廷噚日下晝話會等到午夜，如果最終都係無警察入立法會搵佢，佢就會抽出3個估中嘅網民，請佢哋食飯。幸運兒唔可以係阿廷嘅選民，亦唔可以係警察。
阿廷抽出3個估中網民請食飯
林卓廷參選北區石湖墟選區，同區候選人包括梁金成同新民黨孔永業。
更多港聞
【Emily】警胡椒噴霧指區議員 街站被迫收檔
【明報專訊】噚日網民發起多區商場「和你SHOP」，爆發警民衝突。其中喺沙田，警察到乙明邨制服多個示威者，咁啱區議會選舉「乙泉」選區候選人、現... 詳情
【Emily】地署製3D數碼地圖 測量車游走拍攝
【明報專訊】為配合智慧城市發展，地政總署分階段製作本港嘅三維數碼地圖，仲派出測量車周街走拍攝街景，收集建築物位置、高度、體積等數據，幫助製作... 詳情
【明報專訊】上星期擺街站時畀人用刀襲擊受傷嘅立法會議員何君堯，噚日「復出」，喺佢參選嘅屯門樂翠選區擺街站宣傳，事前雖然無通知本港傳媒（至少E...
詳情
相關新聞
