【明報專訊】聖誕將至，喺特首林鄭月娥同民主派議員關係跌至冰點下，議員仍然收到林太嘅聖誕電子賀卡。民主黨林卓廷噚日就喺facebook上載呢張電子賀卡(圖)，話「真係多謝哂(晒)，大家覺得點覆佢好呢？」，引起網民熱烈留言畀意見，唔少網民都話要覆「五大訴求，缺一不可」；有網民見到賀卡上有5朵花，認為應覆「多謝你的5朵聖誕花，1朵真花，願香港遍地開花」、「花無百日紅」等；亦有人提議覆「聖誕快落」。Emily另外睇到，阿廷喺電腦熒幕下貼咗memo寫住「18/12 1130 牛腩」(右下)，唔通閒時喜歡燜牛腩嘅阿廷，聽日又會再獻技拎嘢食返立法會？
|
| |
| |
;){kind=small}
