【明報專訊】早前連登討論區有帖文，呼籲香港年輕一代讀哲學碩士(MPhil)、博士，希望有多啲人就香港議題做研究，屯門候任區議員張可森(Sam，圖)本身喺浸會大學讀有關人文學嘅MPhil，佢早前已經完成課程，但因為近日太忙，未有時間返浸大繳交圖書館逾期還書罰款，所以一直拎唔到畢業證書。 近日有學術界人士叫年輕人「唔好做傻事」，話如果叫人去讀本地大學嘅MPhil同博士，「隨時搞到人失業收場」。阿Sam就有唔同睇法，佢認為多啲人進入學術界、做香港研究，有助建立論述能力。佢早前喺facebook提及，讀MPhil嘅兩年係佢成長得最快嘅時間，甚至有本地院校會提供津貼供學生出國參加學術會議，認為呢啲國際曝光對現今香港而言相當重要。唔知有幾多年輕人未來有意「落火坑」、行學術路呢？
|
| |
| |
;){kind=small}
