【明報專訊】西九文化區工程如火如荼，區內嘅演藝綜合劇場地盤去年中發生嚴重水浸，一度停工，立法會監察西九文化區計劃推行情况聯合小組委員會成員，噚日去西九考察工地。委員會主席林健鋒話，見到施工中嘅巨型地庫有少少積水，而工程人員話，西九臨近海濱，喺嗰度挖地庫做停車場，要擋住外邊海水壓力，會有輕微滲水現象。佢又話西九地標之一嘅香港故宮文化博物館，上蓋工程已起到第二層，工程預計2022年竣工。 委員會噚日行程豐富，先去參觀戲曲中心大劇院和茶館劇場，了解戲曲中心自去年1月正式開幕後嘅營運情况，仲有表演睇。佢哋之後去視察演藝綜合劇場工地、M+博物館工地和香港故宮文化博物館工地。林健鋒話，西九海濱𠵱家有海濱長廊、有餐廳，市民可以帶埋狗狗去活動吓。
|
| |
| |
;){kind=small}
