【明報專訊】民建聯立法會議員鄭泳舜(Vincent)上月飛到日本，支援身在「鑽石公主」號郵輪上嘅港人，喺當地逗留8日，返港後自我隔離14日，前日(8日)早上出關。Vincent噚日返立法會開會，佢同Emily講，佢同兩個同行助手唔係喺家中隔離，而係暫時搬離屋企，另找地方同住咗14日做隔離。佢話原本只打算去日本幾日，結果連同隔離，佢幾個星期無返屋企，隔離期間只係同老婆用視像電話「見面」；另外，仲要遠遠咁睇住3個仔玩，唔敢接觸。 Vincent話，其實佢喺日本返港後身體狀况良好，但為咗公眾健康，所以自我隔離監察。不過，佢話自己都有繼續與同事喺「檢疫中心」辦公，例如拍片講《財政預算案》等。佢話盡量減少外出，不過由於無人送飯，有時都要自己落街買飯盒食。
|
| |
| |
