【Emily】避人聚集 綠置居擬直播攪珠
[2020.03.31] 發表
【明報專訊】疫情嚴峻，房委會早前宣布暫停今期居屋揀樓至另行通知，而舊年12月底接受申請、以市價四九折出售嘅今期綠置居，房委會收到約4.9萬份申請，原訂3月攪珠，但到噚日都未有公布。Emily問過房委會資助房屋小組主席黃遠輝(Stanley)，佢話暫訂4月6日攪珠，但因應疫情發展，房委會初步計劃網上直播攪珠，唔搞記者會，亦唔會設公眾入場，避免人群聚集。
Stanley又話，房委會暫時維持喺6月邀請綠置居中籤者揀樓，實際時間要睇居屋銷售進度，今期居屋仲有約1300個單位未賣，估計要多20個工作天先賣得晒，即大約5月底至6月頭，但都係要睇疫情，而綠置居就要等居屋賣完先。呢期綠置居主要包括柴灣蝶翠苑同青衣青富苑兩個新項目，共3696個單位，售價介乎約82萬至341萬元不等。
陳欽勉接黃傑龍掌房協
另外，任職房協26年嘅行政總裁兼執行總幹事黃傑龍，今日last day後退休喇！房協噚日宣布，副行政總裁陳欽勉4月1日起接替黃傑龍個位。房協主席陳家樂感謝黃傑龍嘅貢獻。
更多港聞
【Emily】幾無休假 張竹君：我唔係工時最長嗰個
【明報專訊】如果大家有留意每日衛生防護中心4點半記者會嘅話，都總會見到傳染病處主任張竹君醫生嘅身影，之前Emily計過，佢自從1月中開始出現... 詳情
【Emily】鄭泳舜徐英偉 兩支公都用Zoom
【明報專訊】疫情肆虐，民建聯鄭泳舜（Vincent，圖）噚日本來約咗勞工及福利副局長徐英偉，反映第二輪防疫基金細節意見，但都改為以軟件「Zo... 詳情
【明報專訊】葵青區議會撥款贊助基督少年軍採購口罩，近日終於到貨，每名區議員可派1202份、每份8個口罩。早前區議員每次派口罩都會引來長龍，為...
詳情
相關新聞
