【Emily】獲贈生日蛋糕 肥老闆話要餵林健鋒
[2020.04.30] 發表
【明報專訊】經民聯立法會議員張華峰(左二)周六就係68歲生日，一班黨友噚日提早同佢慶生。疫情下，肥老闆維持大好友本色，講笑話今年願望係恒指重上3萬點，睇番噚日恒指收報24,643點水平，同願望實現仲有一段距離喎。不過，肥老闆都認真講番話生日願望好簡單，就係希望未來順順利利、疫情快啲過去。而黨友訂嘅蛋糕字牌就寫上「百毒不侵」、 「健健康康」。肥老闆又玩黨友林健鋒(左三)，話既然林健鋒出錢買蛋糕，一定要餵林健鋒食蛋糕答謝，但黨友梁美芬(右二)就表明唔同意呢啲男男嘅「出位」行為，惹得大家大笑。
更多港聞
相關新聞
