【Emily】昔日對手林雲峯 今提名謝偉銓
[2020.07.28] 發表
【明報專訊】建測規園界立法會議員謝偉銓(Tony，圖)宣布競逐連任，並公開提名人嘅名單，唔少行業內嘅名人都支持佢，如前規劃署長凌嘉勤、市建局前行政總監譚小瑩、海濱事務委員會主席吳永順等，4年前同Tony相爭，結果令泛民姚松炎得勝嘅林雲峯，今次亦做埋Tony嘅提名人。Tony話決定競逐連任，因為見到民主派要求「35+」，要推香港入死路，參選希望團結業界力量，重現香港和諧同活力，戰勝攬炒派。
另外，醫學會前副會長林哲玄噚日交表參選醫學界，獲前食衛局長高永文撐場，佢話希望可以幫私家醫生爭取多啲政府支援。林哲玄本月中喺醫學會選舉落敗，佢話𠵱家講勝算「言之過早」，但有信心先參選咁話。
更多港聞
【Emily】民建聯劉佩玉選區一 劉國勳讚有勇氣
【明報專訊】新一屆區議會民主派佔大多數，民建聯仍派出「倖存」嘅深水埗區議員劉佩玉出戰區議會（第一）（區一）硬撼。劉佩玉（圖）噚日報名，現區一... 詳情相關新聞
