【Emily】康文署出片 教殘疾者居家運動
[2020.09.14] 發表
【明報專訊】疫情期間，康文署唔少場地包括運動場、博物館都關閉，康文署喺4月時成立一站式網上資源中心，等市民喺屋企都可以了解康文活動甚至跟住短片做運動，網站新增咗唔少內容，好似為鼓勵殘疾人士喺抗疫期間保持運動，製作咗一系列「殘疾人士家居體適能運動影片」，殘疾人士同照顧者可以喺屋企睇片做運動，短片利用枕頭、毛巾等物品，動作簡單易學。
「動物知多點」短片睇白臀長尾猴
如果鍾意睇動植物，網站亦有新一輯「動物知多點」短片畀大家近距離觀察動物動靜，最新主角係「反斗博士」白臀長尾猴，巿民除咗睇到佢哋嘅得意樣，仲可以了解佢哋嘅生活習慣；網站亦有「香港動植物公園本月開花植物」，上去就可以睇到盛卉繁花。
而為鼓勵市民養成每日閱讀習慣，香港公共圖書館同香港電台就合辦「十五分鐘的約會」，向讀者推介唔同類型文章。巿民由即日至明年2月期間登入活動網頁同完成閱讀目標，可獲紀念品。
有興趣嘅市民可上網址睇吓：
www.lcsd.gov.hk/tc/onlineresources.html
更多港聞
內地「指導教師」角色掀爭議 「中港協作」參與校：借鏡非受指導
【明報專訊】教育局「內地與香港教師交流及協作計劃」（下稱計劃），當中內地「指導教師」角色早前掀爭議。據2020年《小學概覽》，有數間小學提及... 詳情
相關新聞
