【Emily】何君堯眉批預算案：撥款「好浪費」「好很貴」
[2021.02.25] 發表
【明報專訊】財政司長陳茂波噚日到立法會宣讀《2021/22財政預算案》，一講就差唔多兩個鐘，聽會嘅議員動態各異。建制派「班長」廖長江低頭密密寫，不時用熒光筆highlight文件，表現堪稱模範生；建制派何君堯都有寫筆記嘅習慣，仲即時上載到facebook，速評預算案，佢圈起文件寫預算案向立法會申請授權撥款逾6253億元年度政府服務開支，寫話：「好貴！好浪費！」
成份撥款條例草案，何君堯覺得有好多地方都好貴，例如社會福利署約1042億元撥款額，佢寫住「好很貴！！」(圖1)；食物及衛生局(衛生科)被佢評為「不是物有所值，廢廢地」。官員方面，曾經喺《施政報告》宣讀時瞌眼瞓嘅政制及內地事務局長曾國衞，噚日都不斷抄筆記，抄咗好多張A4紙。
唔係每個議員都全程抄筆記，好似自由黨張宇人就似乎坐唔定，不時喺張櫈上左擰右擰，又揈吓條耳機線；民建聯黃定光就聽到要撩耳，並用手托頭。至於非建制派議員表現如何？醫學界陳沛然遲咗成個幾鐘先到會議廳，不過一坐低就用電腦睇番預算案內容。
更多港聞
【Emily】今年原夠鐘退休 立會法律顧問續任兩年
【明報專訊】Emily上年聽聞作為立法會法律事務部第一把交椅嘅法律顧問馮秀娟（圖），今年就夠60歲要退休，立法會行政管理委員會早前成立小組物... 詳情
【Emily】110人「提早打針」 聶德權fb無痕修正至318人
【明報專訊】政府周二開放新冠病毒疫苗網上預約，結果網絡大塞車，一早爆棚之餘，又因為錯誤開放前日中央圖書館某些時段供市民選擇，搞到有一批人可「... 詳情
教育預算1109億 佔15.2%10年低 未提幼師薪級表 教協稱失望
【明報專訊】新一份《財政預算案》的教育新猷不多，2021/22年度教育開支預算為1109億元，金額是4年來最低，預算亦較上年度減少14億元，... 詳情
相關新聞
