【Emily】回應財案前 張建宗先提夏寶龍講話
[2021.02.25] 發表
【明報專訊】一眾司局長噚日到立法會聽《財政預算案》，政務司長張建宗喺預算案宣讀後一馬當先出會議廳外「咪兜」見記者，但喺回應預算案前，佢話想講講港澳辦主任夏寶龍周一(22日)發表嘅重要講話先，話當日有獲邀透過視像參與，又形容自己對夏主任講嘅嘢感受十分深刻。
除咗感受，張建宗仲講到佢對夏寶龍講話嘅理解。佢話，喺香港特區嘅憲制秩序同政治體制下，對治港者有愛國要求，要求佢哋堅定維護國家主權、安全、發展利益同香港長期繁榮穩定，完全係理所當然、天經地義；要求管治者愛護自己國家，係放諸四海皆準嘅道理。
張建宗講完預算案嘅回應後，又主動提到日前率先接種科興新冠病毒疫苗，話感覺良好，同打流感針冇乜分別，過去兩日如常上班，完全無問題，鼓勵市民接種疫苗，護己護人。財爺陳茂波周一忙緊預算案，冇跟大隊去打疫苗，佢噚日喺記者會話下個星期會去打。
更多港聞
【Emily】今年原夠鐘退休 立會法律顧問續任兩年
【明報專訊】Emily上年聽聞作為立法會法律事務部第一把交椅嘅法律顧問馮秀娟（圖），今年就夠60歲要退休，立法會行政管理委員會早前成立小組物... 詳情
【Emily】110人「提早打針」 聶德權fb無痕修正至318人
【明報專訊】政府周二開放新冠病毒疫苗網上預約，結果網絡大塞車，一早爆棚之餘，又因為錯誤開放前日中央圖書館某些時段供市民選擇，搞到有一批人可「... 詳情
教育預算1109億 佔15.2%10年低 未提幼師薪級表 教協稱失望
【明報專訊】新一份《財政預算案》的教育新猷不多，2021/22年度教育開支預算為1109億元，金額是4年來最低，預算亦較上年度減少14億元，... 詳情
相關新聞
