【Emily】西環「天空之鏡」 禁巿民擅入
[2021.03.01] 發表
【明報專訊】有「港版天空之鏡」美譽、俗稱「西環碼頭」嘅西環公眾貨運裝卸區，愈來愈多人去「打卡」同休憩。疫情關係，海事處今日起禁止一般市民進入碼頭，出入要出示有效安全卡或工作證，如無有效證件，就要聯絡碼頭商戶，以證明係起卸貨物工作相關者。
海事處話因疫情 區議員鬧無諮詢
中西區區議員葉錦龍喺facebook話，海事處未諮詢區議會就推行措施，影響居民福祉，認為做法不能接受，會跟進要求海事處交代。有網民對海事處決定感可惜，認為令市民少咗跑步、放狗、睇日落、觀星等地方。
亦有網民話貨運裝卸區係「工作地方」，唔係公園；又話愈來愈多人入去「打卡」，影響工人工作，而且隨處可見市民留低嘅垃圾，「個個都當呢度旅遊景點咁」，批評大家愈嚟愈唔自律、濫用自由，「今時今日先話封咪太遲囉」。更有網民話近期碼頭曾發生有人虐待船上家犬等事件，認為政府應增設另一個公共空間。
更多港聞
【Emily】葉太護劉利群 民主黨罕有分享帖文
【明報專訊】民主黨竟然分享新民黨主席葉劉淑儀嘅facebook帖文，仲同原任食環署長、剛晉升食衛局常秘嘅劉利群有關。話說葉太前晚出post呼... 詳情
【Emily】公務員要宣誓 工聯成員：心願實現
【明報專訊】政府要求所有公務員宣誓或簽聲明擁護《基本法》、效忠香港特區，近日有報道話部分政府部門有公務員拒絕簽署同劈炮，政府至今未公布有無出... 詳情
【明報專訊】民建聯中西區支部噚日拍片，扮風水師傅揶揄民主派，當中油尖旺區議員陳梓維成為箭靶。
講區內酒吧違限聚
講到「議員走佬去...
詳情
相關新聞
