【Emily】論法定假期10年加5日 資方郭振華：放假或苦過返工
[2021.05.24] 發表
【明報專訊】政府建議逐步將12日法定假期增加至17日，用10年增加5日假期。港台節目《城市論壇》噚日請來勞資雙方代表討論，勞方話放假有助提升職業安全，但勞顧會資方委員郭振華就唔認同，「你放假休息可能仲辛苦過返工……如果日後假期多5日，好多朋友都返屋企湊仔湊女，以前唔使嘅，以後可能會多咗呢啲工作(指湊細路)」。
郭：因放假要返屋企湊仔湊女
郭振華強調，老闆唔係着意增加假期所涉及嘅成本，但話要考慮市場喺短時間內未必能夠調整勞動力供應，所以認為分開10年落實較好。
勞方：陪佢哋放電 都係開心咗
對於「放假辛苦過返工」，同場嘅職工盟統籌幹事王宇來笑言，「你提出咗一個好有哲學性嘅問題……老闆放假都諗住盤生意，事實上都可能辛苦啲。但僱員放假，坦白講，就算同個仔去公園放電，陪佢跑一日都好，我心靈上都係舒服咗、開心咗」。王宇來話，每個人都有自己嘅生活，只係受僱期間出賣勞動力，以獲取生活所需，佢認為用10年來增加5日假期係「匪夷所思」，舉例一個50歲嘅工人，10年後都年滿60歲退休。
更多港聞
【Emily】孫仔寫信畀何俊仁：知你好熱 要加油！
【明報專訊】近日天氣熱，監獄尤甚，一眾在囚者嘅情况就更令人關注。民主黨前主席何俊仁因前年「10．1遊行案」認罪而還押候判，屯門區議員朱順雅去... 詳情
【明報專訊】勞工及福利局長羅致光嘅言論一向惹火，佢噚日發表網誌話，約一個星期前，出席社聯、社署合辦嘅福利議題及優次會議，指有啲評論令自己感到...
詳情
【明報專訊】終身學習先可以持續進步，2021至22年度資歷架構「學習體驗獎勵計劃」現正接受申請，資助服裝業、珠寶業、餐飲業等23個行業嘅從業...
詳情
相關新聞
