【Emily】新民黨推百萬抽獎畀自己友 葉劉捐鑽勞谷針
[2021.06.10] 發表
【明報專訊】商界響應政府提供接種新冠疫苗誘因，推出打針送樓、送金等抽獎，新民黨噚日亦宣布送出總值100萬元獎品作大抽獎，畀黨員或「新民之友」參與。新民黨主席葉劉淑儀捐出喺1991年出廠、當時價值1萬美元(約7.8萬港元)嘅勞力士鑲鑽石腕表，佢話隻表係當年做政務官時升職買嘅。𠵱家已轉戴智能手表嘅葉太話，希望鼓勵市民打針保障健康，提升本港競爭力。
大抽獎參加者須年滿18歲同打咗兩劑疫苗。抽獎本月29日起接受申請至8月底，7月、8月及9月各有一次抽獎活動，每人最多可中獎3次。
葉太捐出私人珍藏嘅勞力士表係18K金原裝表面，鑲咗鑽石，佢感謝勞力士協助打磨同檢查零件，並贈送禮盒。Emily問起隻表有咩來頭，葉太話係當年升任首長級乙一級政務官時買嘅。佢又贈送價值4萬元嘅匯豐150周年紀念鈔，由於唔可以直接捐鈔票，會由善長購入，轉為捐贈4張價值1萬元嘅購物券。其他獎品包括50份體檢套票、咖啡禮券、1000張本地遊套票等。
係咪選舉工程頭炮？
葉劉：你諗太多
被問到捐獎品係咪特首選舉工程「第一炮」，葉太回應：「你諗得太多，市民、選委好聰明，唔會因為咁投票。」
更多港聞
【明報專訊】如果香港夏天撥快1個鐘，大家又贊唔贊成呢？立法會議員謝偉俊噚日問，香港可唔可以好似以前咁，實施夏令時間，即提早一個鐘返工返學，話...
詳情
【明報專訊】香港展開咗新冠病毒疫苗接種計劃超過3個月，接種率仍然得兩成幾，政府同唔少私人企業近期紛紛推出措施鼓勵僱員打針，例如疫苗假期。明報...
詳情
【明報專訊】立法會前議員尹兆堅同許智峯分別喺6月7日同8日生日，但今年過生日嘅地點截然不同。阿峯目前流亡澳洲，前日喺異地度過39歲生辰，話最...
詳情
華英重建被指太貴觸礁 已竣工英華6.5億價更高
【明報專訊】地區名校華英中學申請原址重建項目暫遭撤回，建制派議員曾提及4.7億「造價太貴」為由不支持項目。教育局昨回覆立法會議員提問，披露2... 詳情相關新聞
