太極為紅館騷變身「90後」 雷有輝爆隊友朱翰博出蠱惑
[2021.06.10] 發表
【明報專訊】太極樂隊將於8月7日及8日在紅館舉行兩場《Rainbow After Rain演唱會》，日前隊友開會討論新一輯廣告，決定以動畫形式拍攝，眾人的容貌4秒後慢慢變老36年，成為真正的「90後」(90歲後)。
主音雷有輝大爆隊友朱翰博(Ricky)出蠱惑，要求設計師幫手出術：「我哋每個都變90歲嘅樣，得他揀張後生相，睇落跟𠵱家無咩分別，可能他都知自己擺唔耐，未必有90歲命掛？其實變老好容易，做少幾次Mask、不化妝都可能有這些效果。」
鄧建明被自己的老樣嚇親，笑言有「趕客」成分：「初初諗邊個咁大整蠱？原來是由老變後生，都好些，因為有比較，𠵱家睇落仲靚仔好多！今次個騷好多Gary(唐奕聰)生前嘅好朋友都話想幫手，好多人嚟支持。未綵排，但都唔習慣無咗佢，每一個細節都預佢一份。」
劉賢德叫粉絲撲飛
劉賢德(Hi-Fi德)叫太極粉絲積極撲飛，稱未知何時會再搞個唱：「𠵱家世界日日改變，呢個騷都因為疫情延期幾次，下次再聚都唔知幾時，可能要30年後先有機會搞，到時我哋仲未死又行得郁，再唱畀大家聽囉！」
娛樂組
更多影視
新歌MV造型性感搶眼 莫文蔚為明日紅館開騷造勢
【明報專訊】莫文蔚一連3場《絕色莫文蔚世界巡迴演唱會香港站》明日（11日）於紅館開騷，她最近推出新歌《婦女新知2021》，在MV以多個性感造... 詳情
傳旗下藝人愷樂秘嫁醫生男友 羅志祥否認賣豪宅套現
【明報專訊】羅志祥（小豬）去年4月被內地網紅女友周揚青宣布分手，以及爆他男女關係混亂，令小豬形象直插谷底，演藝事業受重創。事發至今超過一年，... 詳情
伊莉莎伯奧遜叫未婚夫「老公」泄秘婚 爆《WandaVision》無第2季
【明報專訊】Disney+今年初上架的Marvel劇《WandaVision》，上月奪得MTV影視頒獎禮4大獎，女主角「紅女巫」伊莉莎伯奧遜... 詳情相關新聞
