【Emily】8?1全民運動日 免費康樂設施周日預訂
[2021.07.23] 發表
【明報專訊】8月1號係全民運動日，市民可以預訂康文署嘅康樂設施免費使用，或喺指定場地參加免費康體活動等。當日開放畀市民免費使用嘅設施包括羽毛球場、射箭場、公眾泳池、水上活動中心嘅艇等，有興趣嘅可以喺星期日(25日)上晝9點起，喺「康體通」訂場櫃枱預訂。
不論設施類別，每名市民只限預訂一節免費康樂設施，先到先得，而使用游泳池就唔使預約，只需要喺各個開放節段開始前排隊，額滿即止。
康文署呼籲租用人準時到場，如果冇用設施但又唔預先取消預訂，會被視作「不取場」一次，30日內有兩次「不取場」紀錄，就會被暫停預訂體育設施90日。
更多港聞
相關新聞
