【Emily】林文瀚升終院常任法官
[2021.07.30] 發表
【明報專訊】司法機構噚日公布，特首林鄭月娥已按司法人員推薦委員會推薦，並徵得立法會同意，任命高等法院上訴法庭副庭長林文瀚(圖)為終審法院常任法官，今日起生效。林文瀚審理過唔少公眾關注嘅案件，有份裁定政府引用《緊急法》訂立《禁蒙面法》係合憲。
林文瀚喺港大法律系畢業，係終院首席法官張舉能嘅同屆同學，兩人一樣係2001年加入司法機構出任區域法院法官。林文瀚2003年升任高等法院原訟庭法官，9年後升任上訴庭法官，翌年出任上訴庭副庭長。
林文瀚處理過唔少民事上訴案，包括已故華懋集團主席龔如心遺產案、外傭居港權司法覆核等。反修例運動以來，佢有份審理《禁蒙面法》司法覆核上訴，亦負責前年示威被射爆眼嘅女子K一案，駁回K就警方手令嘅上訴。
更多港聞
相關新聞
