【Emily】最佳新聞獎 明報奪4冠
[2022.05.14] 發表
【明報專訊】香港報業公會噚日公布「2021年香港最佳新聞獎」結果，《明報》今屆共奪得9個獎項，包括4冠、1亞、4優異，其中攝影記者楊柏賢憑喺東京奧運拍攝嘅相片，奪得2冠、2優異共4獎。
首採訪奧運 攝記一人奪2冠2優
去年東奧港隊創歷史佳績，楊柏賢拍下劍擊代表張家朗喺男子花劍取勝後激動歡呼一刻，奪得最佳圖片(新聞組)冠軍。楊柏賢拍攝游泳代表何詩蓓喺200米自由泳奪銀相片，就獲得最佳圖片(體育組)冠軍。
元宇宙到M+到民間保育 共奪9獎
楊柏賢同Emily講，最難忘係首次採訪奧運就可以親身見證張家朗奪金，佢話自己未接觸過劍擊，當時只能即場適應同摸索點樣拍攝，對於得獎表示既好彩又開心。編輯曾祥泰亦憑奧運報道標題「一劍天下響 飛魚躍青池」，奪得最佳標題(中文組)冠軍。
另外，記者曾曉玲憑「民間保育推手系列」同「元宇宙入門手冊系列」報道，分別奪得最佳文化藝術新聞報道冠軍同最佳科學新聞報道亞軍。Emily多個同事亦憑「從M+到亞洲藝都系列」同「Archegos爆煲 揭家族基金冇王管」，分別奪得最佳文化藝術新聞報道同最佳經濟新聞寫作(中文組)優異獎。Emily恭喜一眾同事，亦感謝讀者鼓勵同支持！
更多港聞
【Emily】東鐵過海頭班車 明5：25會展站開出 城巴過海301號線榮休 巴迷送別
【明報專訊】鐵路迷期待已久嘅東鐵線過海段，聽日正式通車，港鐵噚日公布，頭班車會喺聽日清晨5點25分由會展站開出，港鐵會喺凌晨4點45分左右率... 詳情
【明報專訊】本港第五波新冠疫情一幕幕生命逝去嘅悲劇，令人心酸。新思維早前訪問院舍員工、管理層同埋院友家屬，講述疫下經歷，新思維主席、社福界議...
詳情
【Emily】港大醫學院拍賣135周年紀念椅 每對底價8萬
【明報專訊】今年係香港大學醫學院成立135周年，由前日起至下星期五，醫學院會喺官方網站拍賣限量版紀念椅，收益全數撥歸醫學院嘅學生獎學金同經濟... 詳情相關新聞
