【Emily】經民聯晤李家超 梁美芬讚態度好 盼親民 李倡辦愛護動物活動
[2022.05.17] 發表
【明報專訊】經民聯噚日同候任特首李家超會面，該黨立法會議員梁美芬會後引述李家超提到，希望透過唔同立場市民都喜歡嘅事，拉近政府同市民嘅距離，例如關注動物權利同愛護動物活動，相信「社會好多人同年輕人都喜歡」。
林健鋒讚「筆不離手」抄建議
梁美芬稱讚李家超喺會上對地區人士反映嘅意見作出非常具體嘅回應，形容態度非常好。佢認為李家超好重視18區嘅分區委員會，並引述李希望透過大部分市民都感興趣嘅活動，同大家打成一片，「透過做一啲相同興趣嘅事，佢甚至會參與，帶動政府同市民嘅距離」。
有記者關心會上有冇討論組班問題，以及李家超有冇向經民聯成員招手。經民聯副主席林健鋒就笑住揮手咁回應話，「今日佢(李家超)入到嚟，好誠懇咁同我哋揮手」。佢又大讚李家超喺會上細心聆聽意見，「筆不離手」咁抄低每項建議。另外，兩名與經民聯友好嘅獨立議員陳祖恒(紡織及製衣界)同龍漢標(地產及建造界)亦有參與同李家超嘅會面，不過只有陳祖恒會後有一齊見記者。
更多港聞
【Emily】港大圖書館110歲 校友貼相懷緬過去
【明報專訊】香港大學今年踏入111周年，校內大學圖書館（Main Library）同埋馮平山圖書館，就分別迎來110周年及90周年，大學圖書... 詳情
【Emily】煤氣派$200餐券 料5萬家庭受惠
【明報專訊】第五波新冠疫情下，唔少基層及餐飲業受衝擊，煤氣公司推出總值1000萬元嘅餐飲券計劃，向每個已經參加煤氣優惠計劃嘅客戶，派發價值2... 詳情
【Emily】M+戲院6?8開幕 首映《阿飛正傳》4K修復版
【明報專訊】位於西九文化區嘅M+博物館宣布，M+戲院將於6月8日開幕。M+喺新聞稿形容，M+戲院係M+流動影像中心嘅重點設施，由3間分別設有... 詳情
【明報專訊】旅發局之前宣布新一輪的「賞你遊香港」有6萬個名額，噚日終於公布首批會有約150個行程，圍繞「探索文化」、「大城小區」、「維港秘景...
詳情
【明報專訊】為吸引本地旅客前往大嶼山南部，推動本土經濟，政府2016年推出大嶼山自駕遊計劃，平日讓25部私家車進入嶼南，其中5個名額優先編配...
詳情
相關新聞
