【Emily】律師會光緒年間成立 會長陳澤銘講古
[2022.05.20] 發表
【明報專訊】律師會今年慶祝115周年，會長陳澤銘(CM)喺律師會刊物《香港律師》撰文，講吓律師會超過一個世紀，同自己22年前參與律師會嘅歷史。原來律師會喺1907年清朝光緒三十三年成立，當時7個會員中包括何神保(又名何衛臣)，相信係港英年代香港最高法院承認嘅第一個華人律師，而何神保嘅姐夫，就係立法局首名華人非官守議員同民國政府司法及外交總長伍廷芳。
至於CM，佢話自己於2000年加入律師會足球隊，2005年有份創立康樂及體育委員會，之後參與唔同委員會，2016年增選入理事會。
CM話，律師行業本身經歷好多挑戰，例如疫情影響、取消產權轉讓交易定額收費、行業自我監管狀况憂慮，但佢形容「風雨飄搖」之際，律師會堅定不移維護專業核心價值，以專業同公眾最大利益行事。佢又提到律師會一直向北京提出透過考試，令香港律師可獲認許為內地律師，終於舊年「成功爭取」。
CM又話，律師會逾百年間經歷唔少有關法治同司法獨立嘅挑戰，但公眾期望律師會就有爭議問題發表意見，認為律師會意見受重視、角色愈嚟愈重要。
更多港聞
【Emily】法國傳統市集 中環、荃灣「開檔」
【明報專訊】華懋集團同「法國五月」藝術節合作，分別喺中環街市同荃灣如心廣場設法國傳統市集，亦有互動數碼藝術裝置體驗。活動噚日舉行揭幕儀式，法... 詳情
【明報專訊】今年係香港回歸25周年，距離七一仲有個零月，唔同團體陸續舉辦慶祝活動。其中工聯康樂體育促進會就舉辦「論斤論兩（両）」釣魚比賽慶回...
詳情
【明報專訊】李家超辭任政務司長選特首後，中央無委任司長一職，唔少以往司長嘅工作，由特首林鄭月娥親自做埋。林太繼前日主持扶貧委員會後，噚日現身...
詳情
相關新聞
