【Emily】霍啟剛：沒有考慮入政府
[2022.06.13] 發表
【明報專訊】體育、演藝、文化及出版界立法會議員霍啟剛之前被指有機會做下屆新設文化、體育及旅遊局嘅局長，佢早前講演唱會飛實名制問題時，話未來幾年會做好議員工作，暗示唔入政府。佢噚日出席公開活動時直接表明「沒有考慮入政府」，佢話知道外面可能好多傳聞，趁呢個機會回覆，「自己進入立法會時間唔長，1月至今都係約半年，我希望可以繼續喺立法會呢個平台服務業界」。
盛傳上述新局長會由現任教育局長楊潤雄調局擔任，霍啟剛就唔評論。霍啟剛噚日係出席體育節巡迴展覽正式啟動活動，巡迴展覽將於6月至7月登陸各大商場，詳盡介紹體育節、港協暨奧委會及其相關活動等資訊；並會展出香港運動員相關物品，包括體育節大使吳翹充(體操)、梁俊碩(賽艇)及羅映潮(長跑)喺大型賽事獲得嘅獎牌等。場內會播放各體育總會及體育節嘅片段合輯，讓觀眾深入認識各項運動特色。
更多港聞
停課萌念 中五生開咪訴煩憂 Podcast一集最多5000聽眾 「與同學互取暖」
【明報專訊】人生有起伏跌宕，有時可一抹淡然，有時渴望別人扶一把。中五女生Ling今年開設Podcast節目《煩憂雜物房》，話題由疫下停課、中... 詳情
相關新聞
