【Emily】文化委會多政商二代 成員有曾志偉鄭志剛霍啟剛等
[2023.02.22] 發表
【明報專訊】《施政報告》提出成立文化委員會，負責制訂「文藝創意產業發展藍圖」，政府噚日公布24個非官方委員嘅名單，陣容「Super」，包括無綫電視總經理兼藝人曾志偉，仲有唔少政商二代，例如新世界執行副主席兼行政總裁鄭志剛、立法會體演文出界議員霍啟剛、信和集團副主席黃永光、麗新集團高級副總裁林顥伊、英皇集團副主席楊政龍等。
文化委員會由文化體育及旅遊局長楊潤雄做主席，副主席就係藝發局前主席王英偉，部分委員有政商背景，但參與文化事務，包括西九文化區管理局董事局主席唐英年、演藝學院校董會主席鄭維新、香港藝術中心監督團主席楊余夏卿等；商界就有盛智文、梁高美懿；文化界就有毛俊輝、黑國強等。委員任期兩年，3月1日起生效。
另外，政府嘅文化藝術盛事委員會噚日首次開會，討論「文化藝術盛事基金」申請程序同規則，亦討論邀請國際知名嘅藝術博覽、裝置藝術展覽，同埋大型音樂表演等來港嘅可行性。
楊潤雄同國家文旅機構商合作
楊潤雄噚日結束訪京行程前，拜會咗港澳辦副主任楊萬明。楊潤雄總結3天之行，話同咗國家文旅方面嘅對接部委同機構見面，探討合作機會。
更多港聞
【Emily】田北辰去廣州南站 批出閘硬件跟唔上
【明報專訊】香港同內地通關後，唔少人搭高鐵北上，立法會議員田北辰噚日朝早搭高鐵去廣州南站，一去到就有好多乘客認得佢，搵佢投訴。𠵱家搭高鐵，... 詳情
【明報專訊】政府推出「易通行」隧道不停車繳費服務，申請混亂，立法會議員江玉歡（Doreen）早前喺facebook分享，佢都係無法成功申請嘅...
詳情
【明報專訊】立法會審議精簡城規及發展程序嘅草案委員會今個星期六（25日）開會，立法會秘書處噚日話收到32份意見書，其中14份按提交者要求保密...
詳情
【明報專訊】高中公民與社會發展科規定學生須赴內地考察，廣東團最快4月出發。教育局昨表示，部分學校稱有學生未能及時預約換領或申請回鄉證，局方與...
詳情
相關新聞
