工黨製指南 詳列派月餅地圖
[2014.08.26] 發表
【明報專訊】中秋節就快到，「蛇齋餅糉」又出動，正當各大政黨都準備派月餅畀街坊之際，工黨就「反其道而行」，為街坊整咗個「2014年度荃灣月餅資訊」指南，詳細列出區內新民黨、人民力量同工聯會等區議員派月餅嘅日期、地點同時間。工黨社區幹事趙恩來仲呼籲市民「要攞，梗係要攞到盡！」
呼籲街坊「攞到盡」
趙恩來喺facebook同大家講「執輸行頭，慘過敗家」，呼籲街坊一定要把握機會「攞到盡」。拎月餅指南好貼心，除咗列出派月餅時間地點外，仲有「溫馨提示」，叫大家記得要拎身分證明文件，仲提醒街坊如果去新民黨拎月餅，就要帶埋住址證明。
有網民就留言話「食窮新民黨，票投李卓人」，不過，亦有網民問﹕「工黨自己反而無派？」
更多港聞
【明報專訊】唐狗「未雪」喺港鐵粉嶺站被輾死，引起全城關注，時刻上載港鐵故障信息嘅facebook專頁「MTR Service Update」...
詳情
相關新聞
