舒娃寶莎齊出局 女單次號種子舒拉寶娃昨於印第安韋爾斯網球賽，因共出現42次無壓力犯錯及11次發球雙失誤，終以6：3、3：6、2：6反負衛冕的15號種子彭妮達，無緣8強。 另外，6號種子寶莎也反勝為敗，以盤數1：2不敵非種子球手特舒倫高 。 細哨呃飯食 被封盜賊甸奴 球王美斯扭波過人如變魔術，不時獲球迷稱為「Magician」。球王前隊友「細哨」朗拿甸奴轉戰墨超克雷塔羅後亦有新稱號，但這巴西球星掛住拍MV同開派對，而且唔肯練波，令球迷覺得佢好似賊咁呃飯食，於是將佢個名改為「Robberdinho(盜賊甸奴)」。睇黎細哨要加把勁，先至可以重奪球迷芳心嘞。 西維爾守將後備席用杯解決 行行下山人有三急，或者大家會選擇「孕育大自然」，但如在後備席睇睇下波要「解決」又點算呢？西維爾後衛費蘭度拿華路喺上周西甲對艾爾切時，就響後備席上突然收到準備出場嘅命令，點知咁啱佢有急事，但唔可以去廁所，於是即場自己同隊友一齊撐住件外套，遮住重要部位，然後手握水杯搞掂。點知最後都係俾電視台全程拍下，真係醜嘞。
|
| |
| |
