高永文灣仔掃街後 檔戶讚與平日「天淵之別」
[2015.08.04] 發表
【明報專訊】食物及衛生局長高永文前日「打頭陣」，先去灣仔鵝頸街市陳東里掃地，噚日Emily再去陳東里觀察，果然高官去過後係有效果嘅。喺陳東里做回收嘅陳女士就話，前日高永文掃咗街後，啲人唔夠膽再嚟亂拋垃圾，成條街乾淨咗。
垃圾蟲唔敢再亂來
前日有店舖負責人投訴陳東里平時有好多垃圾同食物渣滓，傳出惡臭，難以營業。噚日陳東里就乾淨晒，Emily見到街上有兩至三架手推車同垃圾桶，仲有一堆飯，陳女士話「呢啲(飯)唔算(大問題)，平時多到堆出馬路，行都行唔到」。
前日有街檔檔主話高官嚟做「大龍鳳」，所以食環署人員都提早用水車洗地。噚日Emily再問番檔主朝早有冇見到水車，檔主就話唔見有；另一間肉檔檔主陳先生話呢兩日嘅整潔情况同平日簡直有「天淵之別」，高官嘅來臨，令到灣仔道都順帶乾淨咗𠻹。
更多港聞
【明報專訊】環境局宣布成立回收基金諮詢委員會，協助推行啱啱成立嘅回收基金，希望委員就基金嘅整體管理同運作問題，向政府提供意見同建議，任期由本...
詳情
【明報專訊】噚日警方出公告，呼籲市民唔好濫用999緊急服務中心求助熱線，而2015年首6個月就有40%屬於滋擾來電。其實，今年首6個月999...
詳情
【明報專訊】特首梁振英（CY）上任後，不斷強調「土地問題」，令「土地問題」一時成為網上熱話。CY雖然放緊假，但或者都知道網民心掛掛都係諗住呢...
詳情
相關新聞
