網民發起一人一信守護舊郵筒
[2015.10.07] 發表
【明報專訊】自從爆出郵政署有意遮蓋殖民地郵筒皇冠嘜頭後，有網民喺facebook成立「保留皇冠嘜郵筒」專頁，趁住今個星期五(10月9日)係世界郵政日，可以免費寄私人郵件，發起一人一張明信片寄畀郵政署長丁葉燕薇，反對香港郵政打算遮住郵筒嘅王室標記。
發起人呼籲大家喺明信片寫上「郵政總局郵政署長丁葉燕薇」，並要註明「私人信件」，毋須貼郵票，喺本周五營業時間內，去到郵政局投入「特別收集箱」就可以免費寄出，希望「自己訴求自己寄，守護皇冠嘜郵筒！」
另外，立法會議員毛孟靜、范國威同埋郭榮鏗噚日分別寄信畀署長，關注署方打算遮蓋舊郵筒標記，要求保留舊殖民地郵筒，仲要幫呢啲「活文物」做好維修保養。
更多港聞
民間「正宗港警」fb專頁 不刪留言「光明磊落」
【明報專訊】籌備咗成4年、有「藍剔認證」嘅「香港警察 Hong Kong Police」facebook專頁推出咗唔夠1日，就多咗個相似名稱... 詳情
「翻轉教室」 奪A增兩成 學生睇片備課 上堂全討論
【明報專訊】2007年有美國教師提出「翻轉教室」（flipped classroom）教學模式，學生回家上網睇片備課，上課時間則用作討論及做... 詳情相關新聞
