十大議員榜 涂謹申蟬聯第一
[2017.01.27] 發表
【明報專訊】港大民研噚日公布立法會議員排名同評分，結果顯示，早前被司法覆核的4名議員包括羅冠聰、梁國雄、劉小麗、姚松炎，市民認知率高企，全部躋身前12名。已宣布參選特首新民黨葉劉淑儀亦「街知巷聞」，認知率高達97.5%，同長毛睇齊。
呢次調查分兩階段，月初先做首輪抽樣，叫受訪者講出10個熟悉嘅議員名字，得出最多人認識嘅12個議員，再喺1月中做第二階段評分調查，要求受訪者以0至100分做個別評分。
結果發現，相比3個月前，以評分排名，十大議員榜中民主黨涂謹申同朱凱廸蟬聯第一、第二，羅冠聰同長毛位置不變，排名七、八。劉小麗首次上榜，排名第十。雖然姚松炎評分唔錯，有42.2分，但因認知率只排第12，因此跌出十大議員榜。
公民黨黨魁楊岳橋評分係所有議員中最高，有55.1分，不過因為認知率只排11，無緣成為十大議員。至於民建聯蔣麗芸就首次打入十大，得分37.1分排第九。
更多港聞
【明報專訊】之前有藝術工作者以唔同形式為超級市場收銀員同保安員爭取有張「工作座椅」，職工盟亦喺其中一個全港最大超級市場嘅分店調查，喺154間...
詳情
相關新聞
