【明報專訊】唔少高官話「一帶一路」機遇處處，香港律師會就睇準呢個時機，下周五(12日)喺會展舉辦首個由法律界主辦嘅「一帶一路」論壇，主題為「連接、融合及協作」。 呢個論壇規模唔小，除咗力推「一帶一路」嘅特首梁振英(CY)會出席並致辭，中聯辦主任張曉明、律政司長袁國強、財政司長陳茂波都會現身，仲有超過40個來自一帶一路國家嘅法律團體答應參加，可以話係冠蓋雲集。最近CY又有新嘅心頭好「粵港澳大灣區」，律師會會長蘇紹聰都話律師會有興趣積極參與，隨時願意跟政府北上考察。 今年亦係律師會成立110周年，佢哋嚟緊會舉行一系列活動慶祝，包括下周六(13日)同樣喺會展搞大型晚宴，筵開超過100席。
|
| |
| |
