動漫節下周五開鑼 同場首辦兒童玩具節

[2017.07.21] 發表

【明報專訊】一年一度嘅香港動漫電玩節下周五(28日)開鑼，將會一連五日喺灣仔會展舉行。為咗滿足一家大細，今年大會首辦兒童玩具節，同場設有3D自拍館、高達8米嘅巨型吹氣娛樂設施等，仲安排咗卡通人物同小朋友見面同合照。香港動漫電玩節行政總裁梁中本預計今年入場人數會比往年多，希望吸引更多小動漫迷。

另外，大會今年舉辦「同航藝術+創意玩具聯展」，展出27個本地原創玩具設計師同埋漫畫家嘅設計手稿同雕塑等，希望令市民更了解香港原創玩具同漫畫嘅精神。今年動漫電玩節約有70個參展商，超過600個攤位，展館面積超過27萬平方呎。入場門票每張35元，家長憑票仲可以帶最多兩個12歲以下小童免費入場。

更多港聞

【明報專訊】新一屆政府運作大半個月，司局級官員輪流與傳媒茶敘，噚日就輪到環境局長黃錦星。對於外界傳出副局長一職由環保署副署長謝展寰出任，黃錦... 詳情

【明報專訊】工聯會立法會議員陸頌雄噚日同老竇、黨友鄧家彪同埋抗日老兵潘江偉、梁平去睇抗日片，就係許鞍華執導嘅《明月幾時有》，電影講抗日時期東... 詳情