北京晤港青 林鄭：我係神州追夢青年的媽媽
[2018.03.06] 發表
【明報專訊】兩會正喺北京舉行，特首林鄭月娥噚日列席全國人大會議開幕儀式，之後同一班香港青年見面。國家主席習近平上年喺十九大報告話要支持香港融入國家發展大局，林太噚日就話如果香港年輕人融入唔到，做嘅事會事倍功半。面對在場一班喺內地讀書、就業、創業嘅港人，佢大嘆香港仲有唔少年輕人未能好好把握國家發展嘅機會，佢話自己好重視青年工作，所以希望幫助香港年輕人喺神州就業、創業以至追夢。
林太嘅大仔林節思喺劍橋大學畢業，𠵱家喺北京嘅「小米」任職。林太就話自己都係一個「香港青年在神州追夢的媽媽」，透露阿仔初到內地工作時人工8000蚊，生活唔易，亦有可能碰釘，佢同個仔講「也沒有辦法」，叫阿仔自己處理，佢對香港嘅年輕人同樣有信心。
同場有順豐快遞創辦人王衛，佢話自己喺香港長大，19歲返內地打工，用積極態度睇內地發展，自言「讀書唔成做運輸」，喺1993年開公司順豐快遞。提到𠵱家有人話「改革開放已40年，還有什麼機會？」，佢覺得應該用正面態度睇，又批評𠵱家啲年輕人未去過內地，就用賭氣嘅態度睇內地，係有偏見，叫年輕人花一兩年返神州大地睇睇。
更多港聞
浸大輔導長﹕新一代學生欠成熟 料因新學制提早升大
【明報專訊】浸會大學早前因普通話畢業要求，引發學生佔領語文中心事件，負責學生事務的輔導長鄧裕南評價新一代學生，認為他們自學能力低，欠成熟但要... 詳情
【明報專訊】30年前加入浸會大學（浸會學院）的鄧裕南，今日獲頒長期服務獎，回顧近兩年前由財務系系主任轉任學生輔導長，鄧說很大原因是2014年...
詳情
【明報專訊】規劃署去年向屯門區議會遞交文件，建議改劃屯門5幅土地興建公營房屋單位，其中扶康會轄下的智障人士宿舍「柔莊之家」因在改劃範圍內而需...
詳情
相關新聞
