奇妙易名開電視 網民笑「Kai TV」
[2018.10.17] 發表
【明報專訊】奇妙電視77台噚日宣布10月27日正式改名「香港開電視」，台徽就喺「香港」同「電視」中間加一個「開」字(圖)。奇妙電視有限公司執行董事李祥寶 話「開」有開創、開心嘅意思，寓意展開新一頁，英文就想叫「Open TV」，不過網民就彈台徽老土，仲笑英文名應該叫「Kai TV」先啱。
有線寬頻通訊有限公司營運總裁梁淑儀就一於少理，話改名咁大件事，有人講好過無人講，仲把握機會賣廣告，話之後會打造一個開放式嘅資訊平台，播映資訊型娛樂節目，包括葛民輝主持嘅《兒嬉立法會》、陳志雲主持嘅《志雲拆局》、項明生主持嘅日本旅遊節目《明治憑什麼》。
更多港聞
相關新聞
