民建聯支持反對派「擁抱大灣區」
[2018.10.23] 發表
【明報專訊】港珠澳大橋聽日正式通車，立法會交通事務委員會20個委員上星期六去咗視察大橋，唔少建制派議員表現得好興奮，好似委員會主席、民建聯陳恒鑌就應黨友葛珮帆嘅慫恿，「瞓身」量度「港珠澳大橋香港連接路」路牌嘅長度。民建聯噚日喺facebook出帖，post番民主派議員喺大橋上「擺甫士」嘅相，話「反對派議員參觀港珠澳大橋表現得好興奮，黃碧雲同范國威仲擺晒pose影相，笑得好開心，見到佢哋咁希望同大灣區融合，我哋都表示支持！」，仲要落埋「反對派忽然理性」、「身體很誠實」等標籤。
范國威：為公務考察做紀錄
相中主角新民主同盟范國威同Emily講，民聯建咁做係監人賴厚、無限演繹，當時影相係因為公務考察，要做個紀錄，又話自己唔會再去條大橋。
本身係九龍西議員嘅民主黨黃碧雲就話，「民建聯咁畀面睇我facebook，影張相就等於擁抱大灣區咩？我噚日喺石硤尾助選，今早喺紅磡晨操，話我擁抱九龍西啱聽啲！」
更多港聞
港大辦6跨文理學士課程 10學院參與 英文需5級
【明報專訊】跨學科課程成大專院校開新科趨勢，香港大學將於明學年開設6個跨學科文理學士學位課程，當中一個專為高年級本科生而設。不過，新學科要求... 詳情
【明報專訊】教育局長楊潤雄早前表示正與內地洽談在大灣區開辦「港式課程」學校，楊昨日在網上專欄「局中人語」撰文，指香港應善用高等教育優勢，建設...
詳情
相關新聞
