譚sir無電子錢包 上海無人店空手回
[2019.02.25] 發表
【明報專訊】全國兩會下月舉行，全國人大常委譚耀宗今日啟程上京準備。譚sir噚日出席青年民建聯大灣區座談會時，透露自己無內地電子錢包，笑言曾向中銀「老總」爭取港人可以香港銀行戶口綑綁內地電子錢包，佢話民建聯喺兩會會以提案或建議方式，爭取大灣區便利港人措施。
譚sir喺座談會分享內地科技發展，話曾到訪上海無人商店，但因無電子錢包，所以買唔到嘢。佢強調促進大灣區人流、物流以至資金流都好重要，相信如果能方便港人使用內地電子錢包，可解決其中一項資金流問題。佢又透露黨友蔣麗芸曾游說佢喺大灣區買樓，話只需300幾萬，亦可以喺香港揸車上去，不過譚sir就無講有無買到樓。
對於規劃綱要出台後，唔少意見擔心香港「被規劃」、一國兩制被淡化，譚sir認為唔會發生，強調香港喺大灣區發展下都會維持一國兩制，「唔會整整吓無咗呢樣嘢」。
更多港聞
【明報專訊】一年一度嘅香港花卉展覽吸引唔少攝影發燒友同愛花者入場，今年展覽喺3月15至24日舉行，為期10日，朝9晚9開放。今年花展主題為「...
詳情
相關新聞
