【明報專訊】政務司長張建宗噚日出席香港大學生內地實習計劃2019出發授旗禮，致辭幫學生打打氣。佢同在場學生講，去內地唔止工作實習咁簡單，仲要了解國情、掌握國家發展步伐，勉勵大家機會係留畀有準備嘅人，一定要牢牢抓緊機會，為自己同香港未來打拼，貢獻國家同香港喎！ 張建宗話，單係2019至20年度，實習計劃有3800個同學受惠，90個受惠機構共149個項目。張建宗又問學生將來香港嘅發展會點，佢話香港係整個亞太區、大中華嘅華爾街，𠵱家香港已經係第三大金融中心——紐約、倫敦、香港(紐倫港)，又話香港甚至有機會取代倫敦，因為本港財經嘅發展速度好快就可能會超過倫敦，話唔定會出現紐約、香港、倫敦呢個排名，叫大家繼續努力啊！
|
| |
| |
;){kind=small}
