【Emily】醫護申入工會 9樓排到落街 叔叔婆婆以為賣口罩「亂入」
[2020.01.29] 發表
【明報專訊】為咗向政府施壓「封關」，「醫管局員工陣線」發起工業行動，噚日仲借咗學聯位於旺角長旺道威特商業大廈9樓嘅會址招收會員，排隊入會嘅醫護長到嚇親Emily，佢哋由9樓沿樓梯一路向下走，久久不見龍尾，一直伸延到地下，再兜出旺角道，屈去塘尾道，再轉出亞皆老街，直達朗豪坊附近。人龍誇張到吸引到唔關事嘅叔叔同婆婆，以為有口罩賣，亂入隊伍！
後生居多 人龍排出3條街
醫管局員工陣線接受醫管局員工喺網上申請，但要親身交會費及確認身分。醫管局員工陣線噚日5點開始接受想入會嘅醫管局員工去上址確認身分同畀錢，點知下晝3點45分左右Emily已喺學聯門口見到有人排隊，原本隊伍只係從9樓後樓梯延伸到6樓，Emily同部分申請人傾吓偈，之後發現隊伍一直不斷加長，最後落到地下之餘，更兜出幾條街！
申請人後生仔居多，偶爾會有幾個中年醫生護士。正當Emily觀察緊嘅時候，有個叔叔突然排隊，再吸引到幾個婆婆眼望望。婆婆問Emily點解會有咁長嘅人龍？係咪有口罩賣？原來𠵱家市民只要見到長長嘅人龍，就會令人誤以為有口罩賣！
更多港聞
【明報專訊】政府噚日朝早11點20分宣布，為減低武漢肺炎疫情喺社區擴散嘅風險，除咗提供緊急同必須公共服務嘅人員外，其他政府僱員喺假期後留家工...
詳情
【明報專訊】新一屆區議會「變天」，部分地區民政事務專員先後因不滿區議會運作而拉隊離場，令人關注政府係咪同區議會關係緊張。民政事務局長劉江華接...
詳情
【Emily】Wi-Fi.HK進駐公院185屋邨
【明報專訊】為推動智慧城巿發展，政府積極推動Wi-Fi.HK服務，政府資訊科技總監辦公室發新聞稿，話現時Wi-Fi.HK品牌熱點數目已逾36... 詳情
【Emily】田北辰又抱孫 「BB口罩邊度買？」
【明報專訊】近期香港發生唔少唔開心嘅事，但實政圓桌議員田北辰近日笑逐顏開，皆因佢大年初三再做外公，大女誕下精靈老鼠仔。田二少同Emily講，... 詳情相關新聞
