【Emily】阿臻：岑子杰話自己比其他社民連更適合坐監
[2021.04.08] 發表
【明報專訊】民主派立選初選案中36人正被還押，噚日立法會前議員邵家臻去探望社民連岑子杰(Jimmy)，阿臻形容Jimmy神采飛揚，仲講笑話「(Jimmy)甚至認為自己比其他社民連同夥更適合坐監」。由於Jimmy係非異性戀者，故被安排長住單人房，Jimmy話過往為同志運動付出嘅努力冇白費，至少令懲教署變得同志友善。
Jimmy會同囚友一齊踢毽、討論政見等，其餘時間睇書寫信。喺15分鐘探訪時間中，Jimmy多次同阿臻強調「價值」，例如話民主派參選與否，都要回應點樣實踐自身嘅價值。
伍健偉返工
貼信封一周加人工
另一邊廂，「天水連線」成員近日都去收押所探望伍健偉，佢哋喺facebook出帖，話伍健偉鬼馬咁「唧」起腰間肥肉，顯示自己肥咗。伍解釋以往喺外面都未必每日食足3餐，雖然𠵱家食物選擇少咗，但食多咗飯，加上成日坐喺度睇書，所以身材變得圓潤。現時伍健偉申請返工，喺收押所貼信封，做咗一星期就加人工，佢笑言係史上返過最快加人工嘅工作。
更多港聞
【Emily】馬會推填色App 老友記輕鬆為舊香港「上色」
【明報專訊】近年興起填色減壓，馬會同香港青年藝術協會為長者度身訂做，推出以「昔日香港」為題嘅電子填色冊，老友記只要下載App就玩到，費用全免... 詳情
相關新聞
