單車百萬行增南灣隧道
[2015.01.27] 發表
【明報專訊】博愛醫院搞嘅第6屆「上海商業博愛單車百萬行2015」定於4月12日(星期日)舉行，參加者有機會喺全球第二長嘅斜拉橋上，一邊踏單車欣賞海景，一邊做善事。今年首次加入新地點南灣隧道，令全程路線由舊年嘅10公里增至13公里，大會預計有6500人參加，會創歷屆紀錄，相信籌款數字亦會打破紀錄。
博愛醫院舉辦 贊助換咗
參加者喺活動當日將由青沙公路出發，經南灣隧道踏上昂船洲大橋，於青沙公路段折返起點。博愛單車百萬行係全港最大型嘅單車慈善活動，自2009年舉辦以來一直由匯豐贊助，近年多次由香港區總裁馮婉眉主禮，隨着「馮一姐」辭職，今年活動轉由上海商業銀行冠名贊助，唔知轉莊同匯豐人事變動有無關係。
更多港聞
【明報專訊】對於在學習遭受挫敗的名校生，家長與校方應怎協助？中大教育心理學講座教授侯傑泰認為，戴上名校「光環」的學生與一般學生相比，固然壓力...
詳情
相關新聞
