渣馬九連冠斷纜 消防長跑隊冀重拾寶座
[2016.11.11] 發表
【明報專訊】一年一度嘅渣打馬拉松仲有兩個月就舉行，唔少跑手都做緊準備，如體能fit到爆嘅消防長跑隊，佢哋今次嘅目標，係重奪舊年錯失致未能九連冠嘅「紀律部隊盃」寶座。
紀律部隊盃嘅賽制係每隊派10人，每人跑10公里，大會計每隊跑得最快嘅8個人成績。呢個盃2008年第一次搞，去到2015年，有8年都係消防處奪冠軍，點知上屆老馬失蹄，「一時失腳」斷送咗9連霸，仲一跌就跌咗落第三，總成績仲同冠軍相差成7分幾鐘！
消防長跑隊成員、駐守尖沙嘴消防嘅徐弘泰尋日就同Emily講，舊年起跑時kick親、痛到郁唔到，要停埋一邊耽誤咗成隊時間。其實30歲嘅徐sir細細個就係田徑代表，曾經代表香港去肯尼亞跑馬拉松，希望今屆一切順利，同消防隊一齊攞番個冠軍。
更多港聞
【明報專訊】新一屆立法會有唔少新面孔，連帶立法會足球隊都有唔少年輕新丁加入，當中包括青年新政梁頌恆、香港眾志羅冠聰、民建聯周浩鼎、工聯會陸頌...
詳情
【明報專訊】饒宗頤文化館噚日舉行「中華文化•新世界」啟動禮，唔單止喺館內設「沙漠絲路」主題展覽，仲會喺明年4月、8月舉辦「絲路行者」考察團，...
詳情
相關新聞
